Դեկտեմբեր. նախագծային աշխատանք

Posted on Updated on

Դեկտեմբեր ամսվա նախագծային աշխատանք

  1. «Գեղարվեստը կրթահամալիրում» ամենամյա հաշվետու համերգի նախապատրաստական աշխատանք

Համույթի երգացանկի երգերի նորացված պարտիտուրայի ուսուցում, կատարում

2. Սուրբ Ծննդյան «Ավետիս»-ների ուսուցում, կատարում

Реклама

«Սեբաստացիներ» վոկալ համույթը Սայաթ Նովայի երգերով` Առնո Բաբաջանյան համերգասրահում

Posted on Updated on

«Սեբաստացիներ» վոկալ համույթը, «Հայ – վրացական կամուրջներ» նախագծի շրջանակներում, Սայաթ Նովայի երգերով ներկայացավ Առնո Բաբաջանյան համերգասրահում:
Լինում են էքստրեմալ վիճակներ, երբ համերաշխությունն այնքա~ն կարևոր է: Ճանապարհների խցանման պատճառով ուշանում ենք … ես սկսում եմ եղունգներս կրծել ու ատամներս կրճտացնել: Հումորով վարորդին համոզում ենք, որ գոնե ազատ տեղերում սահմանված արագությամբ քշի: Վարորդն, իրեն համարելով «ասս», հուսադրում է, թե` «հեսա, կհասցնի», և, միևնույնն է, ղեկին «քնած» վարում է: Տեղ հասանք ճիշտ այն ժամին, երբ արդեն պետք է բեմում լինեինք: Vivace տեմպով բոլորս դուրս թռանք ու … հանկարծ նկատում եմ, որ բարեխղճորեն արդուկած բեմական շորերով ու կոշիկներով տոպրակն իմ ձեռքին չի՝ երթուղայինն իր հետ տարել է «անհայտություն»: Կապտեցի ու սառեցի տեղում. վերջ, կորած եմ: Մերոնք հումորով փորձում են ինձ խելքի բերել… բա ես միանգամից խելքի էկո՞ղն եմ: Էնքան եմ շշմած հարվածից, որ լացս էլ չի գալիս: Այ, այստեղ էր, որ իմ փոխարեն մերոնք արագ որոշում կայացրեցին և բացակայողներից մեկի շորը, ներկաներից մյուսների սպիտակ վերնաշապիկն ու սև երկարաճիտ կոշիկները տվեցին ու шкодной улыбкой հորդորեցին՝ ամեն ինչ լավ կլինի, հագնվիր: Երգեցինք, վրացական կողմը շնորհակալ էր, որ սիրով ներկայացանք՝ որպես իսկական համագործակից բարեկամներ: Բոլորիս անհատապես շնորհակալություն հայտնեցին և նվերներով ճանապարհեցին:
Իսկ ի՞նչ եղավ իմ կորուստը … մեզանում միևնույնն է, կան շատ լավ մարդիկ, համոզված եմ, որ իմ կողքին կանգնած բարետես աղջիկը, որը ժպիտով աձագանքում էր մեզ, վարորդին է փոխանցել տոպրակը, որն էլ իր հերթին փոխանցել էր իրենց դիսպետչերին:
Չմանրամասնեմ իմ անքուն գիշերը՝ կգտնեմ — չեմ գտնի, բայց առավոտյան, երբ արշալույսը բացվեց, ես այնքան հանգիստ էի, որ արդեն մեկ էր ամեն ինչ: Ես հասկացա, որ ավելի կարևոր բան գտա, քան նյութական կորուստն է՝  իմ հարազատ թիմը իսկական ընկերների միասնություն է, նրանց հետ անհաջողությունն էլ է քաղցր: Անուն — անուն շնորհակալ եմ. Սյուզի Մարգարյան, Մարինե Ոսկանյան, Նելլի Հարությունյան, Շուշան Ադամյան, Նարե Մամիկոնյան, Տաթև Մանվելյան, Նելլի Կարապետյան: Ինչպես նաև մեր Նարեի մայր, մեր կոլեգա, վոկալ համույթի նախկին անդամ՝ Լուսինե Մամիկոնյան:

Նոյեմբեր. նախագծային աշխատանք

Posted on Updated on

Նոյեմբեր ամսվա նախագծային աշխատանք

  1. «Հայ — վրացական կամուրջներ» նախագծով վրացական երգերի ուսուցում, կատարում
  2. Համույթի երգացանկի երգերի նորացված պարտիտուրայի ուսուցում, կատարում
  • Մարե, Ապարանը քարոտ ա, վեր, հա վեր, վեր
  • Աման, Մարո

3. Խնջույքի և խաղողաքաղի երգեր

Պարապմունքի օր, ժամ — երեքշաբթի, չորեքշաբթի, ժամը` 14:30

Նոյեմբեր — 6, 7, 13, 14, 20, 21, 27, 28

Վոկալ համույթը Ազգային պատկերասրահում

Posted on

Այսօր ՀՀ Ազգային պատկերասրահում բացվեց Վրաստանի առաջին ժողովրդավարական Հանրապետության հարյուր ամյակին նվիրված Վրաստանի ժամանակակից նկարիչներ Մարիամ Շաքարաշվիլիի և Բեքա Սաքվալաձեի ցուցահանդեսը: Բացման արարողությանն իր ելույթով ողջունեց «Սեբաստացիներ» վոկալ համույթը՝ կատարելով «Վրացական երգերի պոպուրի», «Սուլիկո», «Լեգենդ Թբիլիսիի մասին», «Հե՝յ, ջան, Երևան», Սայաթ Նովայի «Դուն էն հուրին իս», «Բրոյի, բրոյի» երգերը:

img_0957

Հոկտեմբեր. նախագծային աշխատանք

Posted on Updated on

Հոկտեմբեր ամսվա նախագծային աշխատանք

  1. «Հայ — վրացական կամուրջներ» նախագծով վրացական երգերի ուսուցում, կատարում
  2. Համույթի երգացանկի երգերի նորացված պարտիտուրայի ուսուցում, կատարում

Պարապմունքի օր, ժամ — երեքշաբթի, չորեքշաբթի, ժամը` 14:30

Հոկտեմբեր — 2, 3, 9, 10, 16, 17, 23, 24, 30, 31