Նախագծային աշխատանք
«Սեբաստացիներ» վոկալ համույթը Ս. Զորավոր Աստվածածին եկեղեցում
Վոկալ համույթի ելույթը՝ 6:55-ից
«Մխիթար Սեբաստացի» կրթահամալիրում հեղինակային կրթական ծրագրի «Հոգևոր Հայաստան» շուրջտարյա նախագծով կրթահամալիրի դասավանդողների, սովորողների նախագծային խմբերը փետրվարի 6-ին, Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանի օրհնությամբ, ժամերգություն իրականացրին Երևանի Ս. Զորավոր Աստվածածին եկեղեցում:
Նախագծի ղեկավարներ՝ Հարություն Թոփիկյան, Նունե Մովսիսյան, Մարինե Մկրտչյան, Արևիկ Ներսիսյան, Մերի Սարգսյան, Հասմիկ Թոփչյան
Տեսանյութը՝ Սյուզաննա Սարգսյանի
«Հոգևոր Հայաստան» նախագծով ժամերգություն Ս. Զորավոր Աստվածածին եկեղեցում
Փետրվարի 6-ին՝ ժամը 15.30, «Հոգևոր Հայաստան» նախագծով «Մխիթար Սեբաստացի» կրթահամալիրի դասավանդողների, սովորողների նախագծային խմբերը ուսումնական ժամերգություն կիրականացնեն Երևանի Ս. Զորավոր Աստվածածին եկեղեցում:
Գեղարվեստը կրթահամալիրում 2019
Համույթն իր նոր կազմով ու զգեստներով՝ «Գեղարվեստը կրթահամալիրում» ամենամյա հաշվետու համերգին
Բազմաձայն երգեցողությանը վարպետորեն տիրապետող երգիչների կողքին մեր նորերը, վստահություն ձեռք բերելով, կարողացան համախմբված կատարել երգերը: Սա այն դեպքն է, երբ յուրաքանչյուրն իրեն զգում էր երգեցիկ խմբի կարևոր մասնիկ՝ հարգելով, օգնելով, լրացնելով մյուսներին: Բոլորիդ գրկում ու համբուրում եմ՝ հարազատ դարձած սիրելիներ:
Երգչախմբային արվեստի միջազգային օր 2019
Երգչախմբային արվեստի միջազգային օր 2019
Դեկտեմբերի 13-ին «Սեբաստացիներ» վոկալ համույթը Կոմիտասի 150 ամյակին նվիրված Երգչախմբային արվեստի միջազգային օրվա համերգին: Համույթը ներկայանում է Կոմիտասի գրառած «Հո՜վ, հո՜վ, հովն ընկավ», «Ծառի տակին կար կանեմ», «Էրնեկ ես ծառ էղնեի» և «Էրթանք սարերը սեյրան» հայ ժողովրդական երգերի կատարմամբ: «Երգչախմբային արվեստի միջազգային օր 2018»-ին «Սեբաստացիներ» վոկալ համույթը ներկայացավ Կոմիտասի գրառած «Մարե», «Աբարանը քարոտ ա» և Վեր հա վեր վեր» հայ ժողովրդական երգերի բազմաձայն կատարմամբ:
«Սեբաստացիներ» վոկալ համույթը «Ուսումնական ժամերգություն» նախագծով՝ Սուրբ Երրորդություն եկեղեցում
«Սեբաստացիներ» վոկալ համույթը «Ուսումնական ժամերգություն» նախագծով՝ Սուրբ Երրորդություն եկեղեցում
Պատասխանատու՝ Քոլեջ
«Ուսումնական ժամերգություն» նախագծով Սուրբ Երրորդություն եկեղեցում Մ. Խորենացու «Ծագումն հրաշալի» շարականի կատարումով ներկայացավ «Սեբաստացիներ» վոկալ համույթը՝ նոր կազմով:
Տիգրան Մանսուրյան 80 — հոբելյանական օրեր. 20.09.2019
«Տիգրան Մանսուրյան 80» հոբելյանական օրերին կրթահամալիրը հյուրնկալեց Մեծ մաեստրոյին:
«Սեբաստացիներ» վոկալ համույթը, որպես կազմակերպիչ երաժշտական լաբորատորիա, բարեխղճորեն աշխատելով դպրոցական երգչախմբերի հետ, ներկայացավ երգչախմբային գրագետ, մաքուր երգեցողությամբ՝ կատարելով ինչպես Տիգրան Մանսուրյանի «Խուտուտ, մուտուտ» ստեղծագործությունը, այնպես էլ «Հակաբացիլ Կոմիտաս» նախագծային երգերը:
Մարմարյա սրահից տեղափոխվեցինք Ագարակ, որտեղ հարազատ, մտերիմ միջավայրը՝ վոկալ համույթի կատարմամբ Կոմիտասի գրառած ազգային պարերգերով՝ սիրո խոստովանության մաքուր ազգային հնչերանգներով, Մեծ մարդկանց բարձրաձայնած կարևոր, առանցքային ձևակերպումներով ամբողջացրեց օրվա ստացած անջնջելի տպավորությունները:
Ծնունդդ շնորհավոր, Տիգրան Մանսուրյան…
Քանդակագործության, ճարտարապետության, շրջակա միջավայրի ամենամյա առաջին միջազգային փառատոնի ամփոփում
«Սեբաստացիներ» վոկալ համույթը ռուսերեն, ֆրանսերեն, վրացերեն, իտալերեն երգերով ողջունեց փառատոնի քանդակագործներին: Читать далее…
